Aks av gull

Hjarta i mitt bryst

Kjell Inge — Tue, 24 May 2022 13:05:29 +0000

Hjarta i mitt bryst

Originaltittel: Shape of My Heart
T/M: Sting / Dominic Miller. Til norsk ved: : Kjell Inge Torgersen. Grunnarr. A. Schøld. Orkesterarr.: Eirik Berge.

Han gir ut kort. Det er ein meditasjon.
Og ingen her lyftar eit bryn.
Han spelar ikkje for pengar han vinn.
Han vil ikkje ver’ eit syn.

Han del’ ut kort for å finna svaret
på slumpens mystiske spel,
på løynde lovar om sannsynlege utfall,
tala har si eiga sjel.

Eg veit at ein spar er eit sverd for soldatar,
eg veit kløverblom gir lukke i slag,
eg veit at ruter er som dyr ametyst,
men slik er ikkje hjarta i mitt bryst.

Han kan spela knekt i ruter,
han kan leggja dronning i spar,
og han kan skjula ein konge i handa
så dei gløymer det han har.

Eg veit at ein spar er eit sverd for soldatar,
eg veit kløverblom gir lukke i slag,
eg veit at ruter er som dyr ametyst,
men slik er ikkje hjarta i mitt bryst.
Slik er ikkje hjarta…
…hjarta i mitt bryst.

Og om eg sa deg at eg elska
ville du kanskje ta på vei.
Eg er ikkje den som skjuler meg bak masker.
Eg ber nå berre ei.

Dei som pratar, skjønar lite,
og det kostar dei dyrt.
Det er som lagnadsrop overalt kor folk vandrar,
og livet blir av frykta gjennomsyrt.

Eg veit at ein spar er eit sverd for soldatar,
eg veit kløverblom gir lukke i slag,
eg veit at ruter er som dyr ametyst,
men slik er ikkje hjarta i mitt bryst.

NB! Tekstane er kopibeskytta. Du kan ikkje nytte dei utan tilsagn, verken analogt eller digitalt.

Roxann

Kjell Inge — Tue, 24 May 2022 11:01:40 +0000

Roxann

Originaltittel: Roxanne
T/M: Sting. Til norsk ved: Kjell Inge Torgersen. Arr.: Kjell Inge Torgersen

Roxann,
la nå berre nærlysa gå forbi.
Ingen bil på tomgang,
natta skal ’kje spørja om tur, du skal ikkje i.

Roxann,
la dei tynne kleda få vere i fred.
Gå gatelangs for pengar,
gale eller rett, du bryr deg lite om det.

Roxann,
la nå berre nærlysa gå forbi.
Roxann,
la nå berre nærlysa gå forbi.

La lysa gå forbi,
la lysa gå forbi,
la lysa gå forbi,
la lysa gå forbi.

Eg har elska deg frå dag ein.
Vil du tru meg om eg grein?
Eg må sei' det slik eg kjenner det:
eg vil ’kje dela deg med andre menn.

Eg ser du tar opp sminka
– så er eg så forsinka?
Eg har sagt det før, vil ’kje sei det igjen
– det er eit skralt liv.

Roxann,
la nå berre nærlysa gå forbi.
Roxann,
la nå berre nærlysa gå forbi.
Roxann.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Te i Sahara

Kjell Inge — Tue, 24 May 2022 11:01:16 +0000

Te i Sahara

Originaltittel: Tea in the Sahara
T/M: Sting. Til norsk ved: Kjell Inge Torgersen. Arr.: Aril Schøld.

Mine systrer og eg
har eit ynskje klårt til deg.
Det kan høyrast litt rart
– som om me tenkjer uklart.

Nei, ikkje spør om vår sak,
her under himmelens tak.
Me har ei snål besetting,
men du kan laga ei slik oppsetjing.

Te, djupt i Sahara, vil du?
Te, djupt i Sahara, vil du?

Og ungguten sa
han skulle gjer’ som dei bad.
Så med dans gav dei takkar,
og den dansen, han var vakker.

Ja, dei venta han der,
same stad, kvart år, der
under himmelens tak
kryss’ han sand i ro og mak.

Te, djupt i Sahara, vil du?
Te, djupt i Sahara, vil du?
Te, djupt i Sahara, vil du?
Te, djupt i Sahara, vil du?

Men himmelen blei svart
– kom han nokon gong att?
Dei klauv høgt opp på sand,
bad til månen, der han rann.

Men han kom aldri att.
Så av solebrann blei dei tatt.
Augo sveipte eit land,
med krusa fortsatt fulle av sand.

Te, djupt i Sahara, vil du?
Te, djupt i Sahara, vil du?
Te, djupt i Sahara, vil du?
Te, djupt i Sahara, vil du?

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Ånd omgitt av ting

Kjell Inge — Tue, 24 May 2022 11:00:39 +0000

Ånd omgitt av ting

Originaltittel: Spirits in the Material World
T/M: Sting. Til norsk ved: Kjell Inge Torgersen. Arr.: Aril Schøld.

Politikarar leter oss i stikken
med vår innvikla utvikling.
Har ikkje tru på statistikken
eller på blodbadsretorikken.

Me er
ånd omgitt av ting i verda, er
ånd omgitt av ting i verda, er
ånd omgitt av ting i verda, er
ånd omgitt av ting i verda.
Me er.

Dei seier val er å telja stykk,
og vil fengsla deg med ord, ja.
Set dei tolsame under trykk.
Det er retorikkens fall til jorda.

Me er
ånd omgitt av ting i verda, er
ånd omgitt av ting i verda, er
ånd omgitt av ting i verda, er
ånd omgitt av ting i verda, er...

Og svaret, kor ligg det?
Me lever frå dag til dag.
Kan me kjøpa ein kur ein stad?
Eg trur det finst eit anna underlag.

Me er
ånd omgitt av ting i verda, er
ånd omgitt av ting i verda, er
ånd omgitt av ting i verda, er
ånd omgitt av ting i verda.
Me er.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Utan deg

Kjell Inge — Tue, 24 May 2022 10:57:50 +0000

Utan deg

Originaltittel: Mad About You
T/M: Sting. Til norsk ved: Kjell Inge Torgersen. Arr.: Aril Schøld

Eit steinkast frå Jerusalem
vandra eg ei einsam mil under månen.
Eg trur eg talte ein million stjerner, men
hjarta flaug ut til ein fjern klode
– som svirrar ikring aprils månemann,
virvlar i ein sørgjeboge.
Eg er fortapt utan deg,
fortapt utan deg.
Sjølv om alle rike smuldrar opp
og renn ut i sand:

Eg blir gal utan deg,
gal utan deg.

Og ut frå mørke, avsondra dalar
kom den urgamle sørgjesongen,
men for kvart steg så var du der,
i min tanke, for kvart steg.
Og stjerner er som sandkorn,
er som rester frå eit hav uttørka.
Er det lenge til?
Sei, er det lenge til?

Eg høyrte ein by ligg i ørkenen,
ein gammal konge er så æresjuk.
Men byen ligg i brotne restar
der kor gribben syng og vinden skrik.
Så dette er menneskets verk?
Dette er summen av vår ambisjon?
Fengselsmuren blei mitt land
om du tok ein annan mann.
Med kvart eit fengsel knust til støv,
går fiendane fram.

Eg blir gal utan deg,
gal utan deg.

Nei, aldri har eg før
kjend større einsemd enn eg gjør nå.
Og sjølv om eg regjerer
over alt ikring,
betyr det ingenting.
Det fins jo inga vinning,
i alle store ting,
kjærleikslaust.

Eg ser du held min undergang
der i di opne hand.
Med kvart eit fengsel knust til støv,
går fiendane fram.
Om alle rike smuldrar opp
og renn ut i sand:

Eg blir gal utan deg,
gal utan deg.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Mitt hovud hang

Kjell Inge — Tue, 24 May 2022 10:47:34 +0000

Mitt hovud hang

Originaltittel: I Hung My Head
T/M: Sting. Til norsk ved: Kjell Inge Torgersen. Arr.: Aril Schøld.

Ein morgon med litt tid
å slå i hel;
eg lånte Pers rifla
og sette meg til.
Frå åsen var hesten
og ryttaren som i bur,
når eg kikka gjennom
mitt sikteskur.
Men Pers rifla gjekk av
der inni mi hand,
og skotet klang ut
over det ganske land.
Og hesten, han trava
– mens ryttaren slang.

Mitt hovud hang.
Mitt hovud hang.

Eg sette av garde,
eg rømte derfrå.
Bror min si rifla
forsvann i ei å.
Eg fortsette spranget,
til hav og til sand,
det var der dei fann meg,
mitt hovud i hand.
Og lensmannen spurte
om korfor eg sprang,
då kom det til meg
kva eg sette i gang,
slik heilt utan meining,
ein blybete,
eit pang.

Mitt hovud hang.
Mitt hovud hang.

Og så settast retten,
men ikkje alle får stol.
Høgt oppe sit domaren,
han skin som ei sol.
”Forklar no for retten
kva du tenkte på,
og så spør me juryen
kva dei seier så.”
Eg sa: ”Eg kjente makta
til mannen med ljå,
ei enke med farlause
born gjorde eg då.
Eg ber om tilgjeving,
men har ’kje slik rang.”

Mitt hovud hang.
Mitt hovud hang.

Ein morgon med litt tid
å slå i hel.
Eg fryktar galgen
på åsen blir fæl.
Men bakanfor åsen
– ei synkverving tru?
Eg ser hest og ryttar
ri over vår bru.
Han kjem for ta meg
med til der han bur,
og me skal ri saman
til Gud gjør retur.
Eg ber om Guds nåde
– og at reipet er langt.

Mitt hovud hang.
Mitt hovud hang.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Etter i kveld

Kjell Inge — Tue, 24 May 2022 10:47:06 +0000

Etter i kveld

Originaltittel: Consider Me Gone
T/M: Sting. Til norsk ved: Kjell Inge Torgersen. Arr.: Aril Schøld.

Det var ord om tilgjeving,
det var tankar om fred,
peace and love og forsoning
heilt til sola gjekk ned.
Eg såg månen bak skya,
eg såg kjolen du har,
eg såg kvinna i spegelen,
og eg såg kor det bar.

Etter i kveld,
etter i kveld…
– eg trur ’kje det held.

Roser har tornar.
I blanke tjern
mudderet søkk.
Sjølv i vakraste liv
finn du styggaste møkk.
Formørking og skyer
flekkar måne og sol,
og historia syng
om kvar hane som gol.

Etter i kveld,
etter i kveld…
– eg trur ’kje det held.
Etter i kveld…

I for mange år
var eg i krig med meg sjølv.
Doktoren har talt:
det går på helsa mi laus.
Å søkja fullkommenskapen
er vel og bra, det,
men å søkja himmelen på jorda
gjer eit liv i ufred.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Tidevatn

Kjell Inge — Tue, 24 May 2022 10:46:29 +0000

Tidevatn

Originaltittel: All This Time
T/M: Sting. Til norsk ved: Kjell Inge Torgersen. Arr.: Aril Schøld.

Eg kikka ut over Vågen i dag.
Eg såg eit tårn gjennom skodda
ruva over byen vår, der kor duene rår.
Eg såg dei trøtte bryggarhestane lunta heim i neonlys,
det var to prestar på ei ferja og svaner i Vågen utan vintergys.

Og tidevatn
går opp og ned,
uendeleg,
i all slags vêr.

To prestar kom ned til oss i kveld.
Det var ein ung og ein gamal
for å be for døyande, og gje den siste olja vel.
Både lærar og elev skulle læra kaldvindens veg.
Å, dei olstra og dei flaug med kjortelty,
skal tru denne kråka vil drepa meg?

Og tidevatn
går opp og ned,
uendeleg,
i all slags vêr.

Om eg fekk det som eg ville,
tok eg båten ut,
og gav den gamle
hans siste kvila der.

”Velsigna er dei fattige, for dei skal arve jorda.
Betre å vera fattig enn feit og sitta fast i nålauga.”
Då desse orda falt den kvelden, høyrte eg den gamle lo:
”Kva er så bra med ei oppbrukt verd, og korfor skulle eg vilja ha ho?”

Og tidevatnet gjekk
opp og ned,
uendeleg,
som andedrag.
Og tidevatnet gjekk
opp og ned.
Høyr, prest, viss Jesus er til
så korfor har han ’kje budd her?

På skolen sa dei at vikingane samla seg her.
I store drageskip, med småkongar
og blod og sverd i hand og kledde i lær.
Dei levde og døydde, dei blota til Odin og Tor,
men fekk aldri eit svar.
Og stormakta forvitra, til alt som var igjen
var det jarnet som rusta tok.

Og tidevatnet gjekk
opp og ned,
mens sola sank
i nordishav.
Om eg fekk det som eg ville,
tok eg båten ut.
Me blir galne når me samlast
og me blir berre betre
ein og ein,
ein og ein og ein,
ein og ein,
ein og ein.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Eg brenn etter deg

Kjell Inge — Tue, 24 May 2022 10:46:03 +0000

Eg brenn etter deg

Originaltittel: I Burn For You
T/M: Sting. Til norsk ved: Kjell Inge Torgersen. Arr.: Aril Schøld.

Tenk at eg har møtt deg!
I brisen frå smilet ditt,
i skuggen frå din parasoll,
flør din kjærleik i meg.
Sjølv om eg drikk av ditt vatn,
brenn eg etter deg.
Eg brenn…

Du og eg, me elskar.
Mens natta kvelvar seg ikring,
og me slumrar samanslynga,
flør din kjærleik i meg.
Sjølv om eit heilt hav lindrar,
brenn eg etter deg.
Eg brenn etter deg.
Eg brenn… etter deg.

Stjerner fell frå himmelen.
Mens eldgamle steinar banar veg,
og stilla fyller rommet,
flør din kjærleik i meg.
Sjølv om eg ligg her urørleg,
brenn eg etter deg.
Eg brenn etter deg.
Eg brenn… etter deg.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Skjøre

Kjell Inge — Tue, 24 May 2022 10:45:46 +0000

Skjøre

Originaltittel: Fragile
T/M: Sting. Til norsk ved Kjell Inge Torgersen. Arr.: A. Schøld.

Om blodet flyt, når kjøt og stål blir eitt
og speglar seg i solefall, i ei steinur, heitt.
Så kjem det regn og vaskar væta bort,
men alltid ligg det litt igjen i oss.

Ja, kanskje denne handlinga
skulle slå fast gamle sanningar:
– at aldri kjem det godt or vald,
nei, aldri i noko fall.
For dei som bur utan lykkestjerna nær
er eg redd me gløymer kor skjøre me er.

Regnet fell uendeleg,
som tårer frå der
kor stjernene er.
Regnet seier om igjen
kor skjøre me er,
kor skjøre me er.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.