Julelegender

Kjell Inges Julelegender-kalender til binsjing!

Kjell Inge — Thu, 30 Nov 2023 20:11:37 +0000

Kjell Inges Julelegender-kalender til binsjing! Kjell Inge tor, 11/30/2023 - 21:11

Fager er jorda

Kjell Inge — Sun, 13 Nov 2022 20:28:19 +0000

Fager er jorda

T: B.S. Ingemann (dansk, 1850), omsett til nynorsk av Gunnar Torgeirsson Rysstad (1900). Fornya av Kjell Inge Torgersen til albumet "Julelegender" (2011)
M: Tysk folkesalme frå Schlesien «Schönster Herr Jesu»

Fager er jorda,
herleg er Guds himmel,
glade går sjelene pilgrimsgong.
Gjennom dei fagre
rike på jorda
går me til paradis med song.

Tider skal koma,
tider bort skal kverva,
ætt skal følgja ætterad.
Aldri skal tonen
teia frå himlen,
i sjeleglade pilgrimskvad.

Englane song det
fyrst for hyrdingflokken,
vent det tona for sjela, trøytt:
Fred over jorda!
Menneske, gled deg,
oss er ein evig frelsar fødd!

Julelegender

Desse gylne dagar

Kjell Inge — Tue, 24 May 2022 12:03:52 +0000

Desse gylne dagar

Originaltittel: Have Yourself a Merry Little Christmas.
T/M: Hugh Martin/Ralph Blane. Til norsk ved: Kjell Inge Torgersen.
Opphavsland: USA

Sjå kor fint den passelege jula
snur alt grått til kvitt;
frå nå av vil slitet ikkje meir ver’ ditt.

Sjå kor fint den passelege jula
spreier høgtidsglans;
frå nå av vil livet ver’ ein rosendans.

Samla her, som i gamle da’r,
desse gylne da’r - forbi.

Gamle vener er kjære nå,
samla rundt oss, frå
vårt liv.

Tida går, og me skal ver i saman
om Vårherre vil.
Heng ei stjerne høgt opp på
den grøne grein.
Ja, sjå, min ven, her står eg
under misteltein’
– lat julekveld bli god
her nedi rennestein.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Puslinganes jord

Kjell Inge — Tue, 24 May 2022 12:03:27 +0000

Puslinganes jord

T/M: Kjell Inge Torgersen

“Ei natt som den
kjem nok aldri igjen”,
sa mormor vår med ord
som fall med snø, mot jord.

“Og stjerneglans
blei fødselsmerket hans
då han blei brakt av mor
til puslinganes jord.

Tenk om me var der, me óg.
Tenk om me var der og såg.
Tenk om me fekk høyra gyllen song
og lyden av Guds pust den gong.

Men nå bor me her me bor,
på puslingjord.

Tenk, himmelen
fant vegen hit og heim;
ein merkestein i tid,
tenk, slik ei natt, er ho forbi.

Der låg, i halm,
ein liten kongearm.
Dei sa han bar ei bør:
han er Ordet som er før.

Alle songar, all den lyd,
alle kongar, all den fryd,
alle hjarte slo i same takt
den natta stjerner sto givakt.

Tenk at me var der og såg,
tenk at me fekk høyra óg,
at himmelkongen sov
på puslingstrå.

Då kan det kanskje gå
at me ganske små.”

Det går ei streng frå mor til mor
på puslingjord.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Julelegender

Song om jul

Kjell Inge — Tue, 24 May 2022 12:02:49 +0000

Song om jul

Originaltittel: The Christmas Song
Tekst/musikk: Robert Wells / Mel Tormé. Til norsk ved: Kjell Inge Torgersen
Opphavsland: USA

Peiseld gnistrande av stjernesong!
Har Kong Vinter frosten med?
Julesong frå eit kor nok ein gong
– og folk kledd ut i vinterkle’.

Alle veit jo det
at misteltein gir juleros
av mor når dagen er på hell.
Auge små brenn som tente ljos,
dei tittar gjennom glas i kveld.

Dei veit at nissen er på veg
med sekken full; han trampar inn
med tunge steg.
Og alle barneauge ligg på lur,
– dei lurar på om Rudolf Rødnase flyr

Vel, då strekk eg ut handa mi til deg,
eit enkelt ønskje frå oss born
– og sjøl om det er sagt
i mang ein song, på mang ein veg:
Ei riktig god jul til deg!

Vel, då strekk eg ut handa mi til deg,
eit enkelt ønskje frå oss born
– og sjøl om det er sagt
i mang ein song, på mang ein veg:
Ha ei fin jul,
ei riktig blank jul,
ei varm og god jul til deg!

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Julevals

Kjell Inge — Tue, 24 May 2022 12:02:21 +0000

Julevals

Originaltittel: The Christmas Waltz
Tekst/musikk: Sammy Cahn / Jule Styne. Til norsk ved: Kjell Inge Torgersen
Opphavsland: USA

Gjennom rimfrostglas
skiner lysa i natt,
gylne kremmarhus opp’ på tre’!
Det er juletid,
sjå gåveblide
folk gamle Kvitskjegg har med.

Heile verda blir
som forelska igjen,
kvar ein song fortel
om fred på jord

– og ei god jul;
må ein nyårsdraum bli sann!
Med song får eg sagt,
i tri-fjerdetakt,
at eg ønskjer deg
alt godt, kvart eit grann.

Ha ei god jul,
må ein nyårsdraum bli sann.
Med song får eg sagt,
i tri-fjerdetakt,
at eg ønskjer deg
alt godt, kvart eit grann.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Tre skip

Kjell Inge — Tue, 24 May 2022 12:01:50 +0000

Tre skip

Originaltittel: I Saw Three Ships Come Sailing In
Tekst/musikk: Trad. Til norsk ved: Kjell Inge Torgersen
Opphavsland: Storbritannia

Eg såg tre skip kom seglande
på juledag, på juledag.
Eg såg tre skip kom seglande
på juledag, om morgon.

Og kva var det i skipa tre,
på juledag, på juledag?
Og kva var det i skipa tre,
på juledag, om morgon?

Jo, jomfrua med Jesus kom
på juledag, på juledag.
Jo, jomfrua med Jesus kom
på juledag, om morgon.

Sei, kor drog skipa som du såg
på juledag, på juledag?
Ja, kor drog skipa som du såg
på juledag, om morgon?

Dei segla inn mot Bethlehem
på juledag, mot Bethlehem.
Dei segla inn mot Bethlehem
på juledag, om morgon.

Og alle jordas klokker slår
på juledag, på juledag.
Og alle jordas klokker slår
på juledag, om morgon.

Og alle himmelenglar syng
på juledag, på juledag.
Og alle himmelenglar syng
på juledag, om morgon.

Og alle jordas sjeler syng
– alle jordas sjeler syng.

Så lat oss alle jubla høgt
på juledag, på juledag!
Ja, lat oss alle jubla høgt
på juledag, om morgon.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Gled deg, allverd

Kjell Inge — Tue, 24 May 2022 12:01:04 +0000

Gled deg, allverd

Originaltittel: Joy to the World
Tekst/musikk: Isaac Watts/Lowell Mason, basert på Georg Friedrich Händel. Til norsk ved: Kjell Inge Torgersen
Arr.: Inspirert av Sufjan Stevens versjon (2006)
Opphavsland: Storbritannia / USA / Tyskland

Gled deg, allverd, for Herren kjem!
Lat jorda ta imot!
Lat alle hjarte opna seg
og hjarta gleda seg!
Og himmel og jord, dei syng,
og himmel og jord, dei syng,
og himmel, og himmel og jord, dei syng.

Gled deg, allverd, vår Frelsar rår!
Høyr, menneska, dei syng!
Og eng og mo og vang
og fjell og fosseklang
syng med i fleirstemt fryd,
syng med i fleirstemt fryd,
syng med, syng med i fleirstemt fryd.

Han rår i verda med si hand
og byr nasjonar sjølv
å spreia himmelglans
og nåden hans –
og kjærleiksunderet
og kjærleiksunderet
og kjærleiksunderet
og kjærleiksunderet
og kjærleik og kjærleiksunderet.

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Stjernenatt

Kjell Inge — Tue, 24 May 2022 12:00:17 +0000

Stjernenatt

T: Kjell Inge Torgersen, M: Aril Schøld.

Natt ligg over jorda.
Natt driv inni oss.
Julestjerna over
oss, ho ser ’kje stort.

Men eld frå bål i brynet,
tri vandrarar på vegen:
ein fjerde byr dei mat og eld
og alt det skogen gjer.

Julestjerna ser det:
handling føder ljos -
stjerner skin der nede
og mørkeret blir til ljos.

Stjerna ser stjernenatt
nedpå jorda, her skin stjerner att!
Stjerna ser stjernenatt
nedpå jorda, her skin stjerner att!

NB! Tekstane er kopibeskytta. Du kan ikkje nytte dei utan tilsagn - verken analogt eller digitalt.

Julelegender:2021 – i tre byar

admin — Fri, 17 Sep 2021 12:27:50 +0000

Julelegender:2021 – i tre byar admin fre, 09/17/2021 - 14:27